Një ngjarje e trishtë u regjistrua në zonën e Gallurës në Itali, ku një punëtor shqiptar nga Kosova humbi jetën në një aksident të rëndë në punë. Bashkim Bytyqi, një burrë 43-vjeçar, lindi në Kosovë në vitin 1981, ndërroi jetë pasi ra nga një lartësi prej mbi 10 metrash, duke pësuar plagë të rënda nga rrëzimi nga skela e kantierit të ndërtimit në Olbia.

Aksidenti tragjik ndodhi pasditen e së shtunës, më 24 shkurt, kur Bashkimi ra para kolegëve të tij në kantier. Dëshmitarët e pranishëm raportojnë se ai nuk ishte në detyrë në momentin e aksidentit, por ishte në vendin e kalimit për të përshëndetur miqtë.

Mediat italiane kanë njoftuar se Prokuroria ka nisur hetimet për të zbardhur dinamikën e ngjarjes dhe për të përcaktuar shkakun e aksidentit të tronditshëm në kantierin e ndërtimit.