Një i moshuar nga një fshat i rrethit të Librazhdit është zhdukur pa lënë gjurmë prej tri ditësh. Gazetari Fatmir Popja raporton se, sipas burimeve jo zyrtare, shtetasi Ali Belba, 70 vjeç, banues në fshatin Skroskë të Njësisë Administrative Qukës, Bashkia Prrenjas, nuk është parë që nga fillimi i javës dhe nuk dihet se ku ndodhet.

Të afërmit e tij kanë konfirmuar se që nga e hëna 70-vjeçari ka humbur çdo kontakt me familjarët. Pas zhdukjes së tij, policia dhe komuniteti i zonës së Prrenjasit janë njoftuar për humbjen e kontakteve, dhe është kërkuar ndihmë për gjetjen e tij edhe nëpërmjet rrjeteve sociale. Kërkimi për gjetjen e Ali Belbës po vazhdon, ndërsa banorët e fshatit dhe autoritetet po bashkëpunojnë për ta gjetur sa më shpejt.