Veprimet hetimore vijojnë për dokumentimin me prova ligjore të ngjarjes së ndodhur dy ditë më parë në lagjen Xhami, ku një 26-vjeçar tentoi të vriste me armë zjarri një 41-vjeçar për motive të dobëta.

Policia ka arrestuar në flagrancë një shtetas, S. Ll., 50 vjeç, banues në Peqin, për veprat penale “Moskallëzimi i Krimit” dhe “Veprime që pengojnë zbulimin e së vërtetës.” Ky person nuk ka kallëzuar krimin dhe ka hequr e fshehur DVR-në e kamerave të subjektit të tij në afërsi të vendngjarjes.

Sipas hetimeve, gjatë një konflikti, 26-vjeçari plagosi me armë zjarri në këmbë 41-vjeçarin. Tani, strukturat për Hetimin e Krimeve të DVP Elbasan po vazhdojnë hetimet për zbardhjen e plotë të ngjarjes dhe për kapjen e autorit të dyshuar, i cili është shpallur në kërkim për veprat penale “Vrasja me paramendim,” mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit.”

Materialet procedurale i janë kaluar Prokurorisë për veprime të mëtejshme.