Federata Shqiptare e Futbollit (FSHF) ka bërë një deklaratë zyrtare kundër krijimit të Superligës Europiane, duke shprehur qëndrimin e saj pas vendimit të fundit të Gjykatës Europiane të Drejtësisë. Në deklaratën e saj, FSHF thekson se futbolli është për të gjithë dhe duhet të meritohet në fushë.

Gjatë kësaj periudhe tensionesh në futbollin ndërkombëtar lidhur me krijimin e Superligës, FSHF ka shfaqur qëndrimin e saj të kundërt ndaj këtij projekti, duke i bashkuar zërat e tjera të ndikshme, si Bayerni i Mynihut, Mançester Junajtid dhe Atletiko Madrid, të cilat gjithashtu janë kundër kësaj nisme.

Përtej asaj çfarë ndodh me projektin në të ardhmen, FSHF vazhdon të mbrojë vlerat e meritës sportive në futboll dhe thekson se ky sport është i hapur për të gjithë, duke inkurajuar rivalitetin dhe meritat sportive mbi çdo ndërhyrje që mund të ndikojë në integritetin e lojës.

“Tifozët, lojtarët, trajnerët, federatat, klubet, ligat dhe të gjithë ata që e duan lojën e bukur të futbollit thonë njëzëri: ‘Nuk ka vend për asnjë lloj Super League në Europë. Meritat sportive janë ato ku bazohemi. Futbolli është për të gjithë, i hapur për të gjithë”. MERITOJENI NË FUSHË!”, shkruan FSHF.