Aktori i humorit Gazmend Paja u paraqit paraditen e së enjtes në SPAK, ku qëndroi për rreth 25 minuta. Duke folur për mediat, ai deklaroi se prania e tij në Prokurorinë e Posaçme kishte të bënte me një “ngatërresë” lidhur me një telefon.

“Isha me prokurorin në kafe, pa dashje mori celularin tim dhe solli të tijin. Nuk e njoh prokurorin,” u shpreh ai me humor.

Megjithatë, mësohet se ky është hera e dytë që Paja paraqitet në SPAK, por nuk ka detaje të qarta për çështjen e mëparshme. Sipas raportimeve, mund të ketë lidhje me dosjen Veliaj, projektet e dhëna nga Bashkia e Tiranës apo qendra Harabel.

Gazmend Paja ka marrë në vitin 2022 statusin e investitorit strategjik, pasi dy kompani prezantuan një projekt investimi në zonën e Dhërmiut.