Policia e Tiranës ka vënë në pranga gjashtë persona të akuzuar për vepra të ndryshme penale.

I riu me inicialet A. V., 24 vjeç, banues në Tiranë, u arrestua me masën “Arrest në burg” për veprën penale “Prodhimi dhe shitja e narkotikëve”, parashikuar nga neni 283/2 i Kodit Penal.

K. M., 38 vjeç, banues në Tiranë, akuzohet për veprën penale “Dhuna në familje”, parashikuar nga neni 130/a i Kodit Penal, pasi dyshohet se ka ushtruar dhunë ndaj bashkëshortes së tij.

Një 60-vjeçar, banues në Bruk, Vorë, akuzohet për veprat penale “Dhuna në familje” dhe “Organizimi ose ushtrimi i veprimtarive të lojërave të fatit në kundërshtim me ligjin”, parashikuar nga nenet 130/a dhe 197 të Kodit Penal. Ky person dyshohet se ka ushtruar dhunë ndaj bashkëshortes së tij, dhe gjatë kontrollit të aparatit celular iu gjetën të hapura faqe që shërbejnë për vendosjen e basteve sportive.

Ndërkohë, policia rrugore arrestoi edhe dy persona për drejtim automjeti në gjendje të dehur:

– J. N., 34 vjeç, banues në Tiranë, pasi duke drejtuar automjetin në gjendje të dehur është përplasur me një automjet tjetër, duke shkaktuar vetëm dëme materiale;
– E. K., 39 vjeç, dhe N. P., 39 vjeç, të dy banues në Tiranë, pasi u kapën duke drejtuar automjetet në gjendje të dehur.

Materialet për të gjithë të arrestuarit janë dërguar në Prokurori për veprime të mëtejshme.