Një 40-vjeçar, i cili ishte shpallur i zhdukur prej disa ditësh, është gjetur i pajetë në liqenin e Mushqetasë, afër banesës së tij. Shtetasi, identifikuar si I. V., kishte humbur kontaktet me familjarët që prej datës 14 mars 2025.
Policia e Tiranës ka konfirmuar se trupi i tij u gjet mëngjesin e sotëm, dhe paraprakisht dyshohet se ai mund të ketë vetëmbytur. Grupi hetimor ka nisur punën për zbardhjen e rrethanave të rastit dhe për dokumentimin e ngjarjes.
“Në vijim të informacionit paraprak të dhënë më datë 14.03.2025, për largimin nga banesa të shtetasit I. V., 40 vjeç, bëjmë me dije se: Mëngjesin e sotëm, ky shtetas është gjetur i pajetë në liqenin e Mushqetasë, afër banesës së tij. Paraprakisht dyshohet se ky shtetas është vetëmbytur. Grupi hetimor po punon për zbardhjen dhe dokumentimin e rrethanave të rastit”, njoftoi Policia.
