Një person është gjetur i pajetë mëngjesin e sotëm në ujërat e detit përgjatë zonës së Lungomares, në qytetin e Vlorës. Sipas informacioneve paraprake, viktima ishte futur në det dhe është konstatuar nga qytetarë, të cilët kanë njoftuar menjëherë policinë.

Forcat e rendit kanë ndërhyrë duke nxjerrë trupin e pajetë në breg. Viktima është identifikuar si Shezai Hoxha, rreth 89 vjeç, banues në fshatin Dushkarak, i cili mësohet se vuante nga skleroza.

Policia ka nisur hetimet për zbardhjen e plotë të rrethanave të ngjarjes.

“Vlorë/Informacion paraprak: Sot, rreth orës 07:00, në zonën e Lungomares, dyshohet se është mbytur në det shtetasi Sh. H., 89 vjeç, banues në fshatin Dushkarak. Grupi hetimor vijon punën për sqarimin e plotë të rrethanave të rastit”, njofton policia.