Një person i moshuar u gjet i pajetë në lagjen Dunavat të Gjirokastrës. Policia mori njoftimin në orën 17:58 se pranë furrës së bukës një person ishte i bllokuar brenda në banesë dhe nuk përgjigjej thirrjeve.
Menjëherë në vendngjarje shkuan forcat e policisë dhe PMNZSH me 4 efektivë. Pasi arritën në vendngjarje dhe hapën derën e banesës, konstatuan se personi i mbyllur brenda ishte Sherif Dumi, 67 vjeç, i cili u gjet i pajetë në dyshemenë e dhomës së tij.
