Një 63-vjeçar italian ka ndërruar jetë mëngjesin e sotëm, ndërsa ndodhej në një hotel në Tregan, së bashku me bashkëshorten e tij. Çifti kishte disa ditë që frekuentonte llixhat kurative të Treganit, në Elbasan, dhe kishte udhëtuar për këtë arsye.

Sot, para se të zbrisnin për të konsumuar mëngjesin në restorantin e hotelit, 63-vjeçari ka ndjerë një keqësim të shëndetit, duke i thënë bashkëshortes se nuk ndjehej mirë. Menjëherë është njoftuar mjeku i qendrës kurative dhe autoambulanca, por, megjithatë, ai ka ndërruar jetë në krahët e gruas.

Nga hetimet paraprake, dyshohet se shkaku i vdekjes mund të ketë qenë një atak kardiak.