Një burrë rreth 50 vjeç është gjetur pa jetë në lagjen “Visarion Xhuvani” të qytetit të Elbasanit, rreth orës 5 të mëngjesit të sotëm.

Viktima ka shenja dhune në kokë dhe në pjesë të tjera të trupit. Dyshohet se ai mund të jetë vrarë në një vend tjetër dhe është hedhur aty.

Po kështu ka damarët e të dyja duarve të prera dhe gjunjët me dërrmishtje. Në vendin e ngjarjes nuk janë gjetur njolla gjaku çka dyshohet se është hedhur në rrugën ku u gjet. Në vend nuk është gjetur as ndonjë thikë që mund të sillte dyshime se viktima i ka prerë vetë damarët.

Viktima nuk ka këpucë të veshura. Paraprakisht mendohet se është qëlluar nga pas koke me mjet të fortë dhe pasi është vrarë është hedhur në rrugë pasi nuk ka as këpucë.

Viktima që u gjet në mes të rrugës është ende i paidentifikuar.