14-vjeçari i cili qëlloi për vdekje me thikë bashkëmoshararin e tij ndodhet në gjendje të rënduar psikologjike, çka ka penguar deri tani grupin hetimor të marrë dëshminë e tij.

Sot pritet që në prezencë të avokatit, psikologut dhe familjarëve të sigurohet dëshmia e autorit të dyshuar, mbi të cilin rëndon akuza e vrasjes me dashje.

Sipas raportit të ekspertizës mjeko-ligjore, vdekja e 14-vjeçarit ka ardhur si pasojë e një goditjeje të vetme me thikë në zemër. Plaga ka qenë fatale dhe viktima ka humbur jetën brenda pak minutash në vendin e ngjarjes.

Pas krimit, autori ka tentuar të largohet me makinë, ndërsa xhaxhai i tij ka marrë thikën nga vendi i ngjarjes, e ka larë dhe më pas e ka fshehur, duke penguar hetimet e mëtejshme.