Largimi i Egli Takos nga Big Brother VIP Albania ka sjellë një reagim emocional nga Gjesti. Para nisjes së spektaklit, ai u pa i vetëm në oborrin e shtëpisë, i zhytur në mendime, ndërsa në sfond dëgjohej kënga “Mockingbird” e Eminem. Ai nuk foli, por vetëm lëvizte kokën në ritmin e muzikës, duke lënë të kuptohet se ishte i prekur nga situata.

Gjatë Prime, moderator Ledion Liço e pyeti për gjendjen e tij pas largimit të Eglit.

Gjesti u shpreh:
“Jo, të mira nuk jam munduar t’i mbuloj me të qeshura. Për shumë gjëra, nuk më ka bërë mirë ikja e saj, po më mungon.”

Ky reagim ka shkaktuar edhe më shumë diskutime në rrjet, duke shtuar spekulimet mbi ndjenjat e tij të vërteta ndaj Eglit.