Pas më shumë se 150 ditësh në izolim, duke kaluar nga Big Brother VIP Kosova direkt në Big Brother VIP Albania, Gjesti duket se po përjeton një ngarkesë të madhe emocionale dhe psikologjike.

Në një bisedë me Gerta Gixharin, ai ka rrëfyer një moment të vështirë që ka përjetuar brenda shtëpisë. Ai tregon se në një moment të rënduar, kur kishte hyrë në Dhomën e Rrëfimit, kishte ndier sikur po i lëshonte shpirti.

“Qysh u hi brenda në dhomë të rrëfimit qiky Besart Kelmendi që ka qenë duke vdekur, gati duke më lëshuar shpirti prej ngarkesës së madhe, prej të këqijave. A do me e nxjerr, a do me e nxjerr?” – shprehet ai.

Në këtë moment, biseda u tensionua, pasi Gerta iu drejtua me fjalët: “Dil, ja ku e ke derën”, duke e sfiduar emocionalisht.

Sjelljet e fundit të Gjesti kanë reflektuar gjendjen e tij të rënduar, me veprime që kanë shqetësuar jo vetëm banorët e tjerë, por edhe publikun. Rreth tij janë ngritur shumë diskutime mbi ndikimin e izolimit të gjatë në mirëqenien mendore të një konkurrenti që ka kaluar kaq shumë kohë brenda formatit.