Shkencëtarët italianë kanë zbuluar ndryshime metabolike unike në gjakun e pacientëve me Parkinson, të cilat nuk gjenden tek individët e shëndetshëm. Këto gjetje mund të hapin rrugën për trajtime më efektive dhe të personalizuara për sëmundjen.

Studimi, realizuar mbi 69 pacientë në Klinikën e Bioteknologjive të Avancuara në Napoli, me bashkëpunimin e universiteteve italiane, identifikoi ndryshime të rëndësishme tek aminoacidet, gurët ndërtues të proteinave, dhe tek mitokondritë, “centralet energjike” të qelizave.

Sipas autorëve, korrigjimi i këtyre anomalive dhe rivendosja e ekuilibrit metabolik mund të përmirësojë ndjeshëm terapitë ekzistuese dhe të hapë skenarë të rinj trajtimi për Parkinsonin. Studiuesit theksojnë se kjo është një hap i parë, por i rëndësishëm, dhe kërkohet të konfirmohet në studime më të gjera dhe më të thelluara.

“Ky zbulim mund të sjellë një kthesë të madhe në trajtimin e Parkinsonit,” thonë shkencëtarët, duke i dhënë shpresë pacientëve dhe familjarëve.