Një aksident ka ndodhur në rrugën hyrëse të Fier-Sheganit, në aksin kombëtar Lushnjë–Berat, ku si pasojë një person është dërguar me urgjencë në spital.
Bëhet fjalë për drejtuesin e mjetit tip “Toyota”, shtetasin A.G., rreth 30 vjeç, i cili u nxorr nga automjeti dhe u transportua menjëherë në spitalin e Lushnjës, ku ndodhet nën kujdesin e mjekëve.
Në vendngjarje kanë shkuar shërbimet e policisë rrugore dhe forcat zjarrfikëse të Lushnjës, megjithëse ndërhyrja e zjarrfikësve nuk ka qenë e nevojshme.
Sipas policisë, aksidenti dyshohet të ketë ndodhur si pasojë e lëvizjes me shpejtësi të lartë, kur drejtuesi i mjetit ka dalë nga rruga në kthesën hyrëse për në Fier-Shegan.
