Dje në gjimnazin “Vasil Kamami” në Elbasan, një ngjarje tronditëse ndodhi kur një nxënëse e klasës së 10, e ardhur nga një qendër sociale, u hodh nga kati i dytë i shkollës për arsye që ende nuk dihen. Burime të sigurta bëjnë me dije pranë spitalit të Elbasanit se ngjarja ka ndodhur brenda ambienteve të shkollës.

Nxënësja është jashtë rrezikut për jetën, dhe policia ka marrë në pyetje shokët e klasës së vajzës. E mitura është vet hedhur nga kati i dytë i shkollës.

Vajza është nga Lushnja dhe ka dy prindër me probleme të shëndetit mendor, të cilët e dhunonin. Ajo ka qenë me urdhër mbrojtje e strehuar në një nga qendrat rezidenciale për të mitur në Elbasan. Disa psikologë po merren me rastin ndërkohë që ende nuk dihen shkaqet që e kanë shtyrë vajzën të hidhet nga kati i dytë.

Pas pyetjes së personave që e njihnin vajzën, mësohet se ajo ka qenë në gjendje të rënduar psikologjike prej prindërve.

Gjendja e saj shëndetësore është e mirë dhe ndodhet jashtë rrezikut për jetën. Ndërkohë të gjitha institucionet ZVA dhe qendrat rezidenciale kanë marrë urdhër për mos publikimin e rastit pasi vajza është e mitur dhe kontigjent vulnerabël.