Gjykata Speciale në Hagë ka vendosur që paraburgimi për ish-presidentin e Kosovës, Hashim Thaçi, dhe ish-kryeparlamentarin, Kadri Veseli, të vazhdojë. Vendimi është marrë nga gjykatësi Charles L.Smith, i cili ka vlerësuar se ekziston një rrezik i madh që Thaçi dhe Veseli të pengojnë mbarëvajtjen e procedurave gjyqësore dhe mund të kryejnë krime të mëtejshme kundër atyre që perceptohen si kundërshtarë të UÇK-së.

Gjykata Speciale ka konfirmuar aktakuzat ndaj tyre për pretenduar krime lufte. Ata po mbahen në paraburgim nga nëntori i vitit 2020. Thaçi, Veseli, si dhe të tjerët të përfshirë në këtë çështje janë shpallur të pafajshëm në paraqitjet e tyre të para në Dhomat e Specializuara në Hagë. Çështja vazhdon të jetë e ndjekur ngushtë nga opinioni publik dhe komuniteti ndërkombëtar.

‘Ekziston një rrezik i madh që z. Thaçi të pengojë mbarëvajtjen e procedurave të DHS’ dhe ai mund të kryejë ‘krime të mëtejshme kundër atyre që perceptohen si kundërshtarë të UÇK-së, duke përfshirë dëshmitarët që kanë ofruar ose mund të ofrojnë prova’, thuhet ndër tjerash në vendim.

Edhe në vendimin për Veselin, thuhet se ‘paneli është i bindur se ekziston rrezik se z. Veseli do të pengonte mbarëvajtjen e procedurave të DHS dhe se do të kryente krime të mëtejshme kundër atyre që perceptohen si kundërshtarë të UÇK-së, duke përfshirë dëshmitarët që kanë ofruar ose mund të ofrojnë prova në këtë rast dhe/ose duhet të paraqiten’.

Hashim Thaçi, Kadri Veseli, Rexhep Selimi dhe Jakup Kransiqi po mbahen në paraburgim nga nëntori i vitit 2020. Aktakuza ndaj tyre lidhur me pretendimin për krime lufte, është konfirmuar më 26 tetor 2020 ndërsa në paraqitjet e tyre të para në Dhomat e Specializuara në Hagë ata janë deklaruar të pafajshëm.