Përmes një njoftimi për median, Gjykata e Shkallës së Parë e Juridiksionit të Përgjithshëm Korçë ka sqaruar pozicionin e Zheni Lelit, i cili u arrestua sot. Nga informacionet paraprake në media, është bërë e ditur arrestimi i shtetasit Zh.L., ku sipas këtyre mediave ky shtetas ushtron funksionin Shef i IT apo Specialist IT në Gjykatën e Shkallës së Parë të Juridiksionit të Përgjithshëm Korçë.

Gjykata sqaron se shtetasi i lartpërmendur është pjesë e strukturës organike të Gjykatës së Shkallës së Parë të Juridiksionit të Përgjithshëm Korçë me funksion Specialist pranë Zyrës së Shërbimit Pogradec, dhe jo në pozicionet e përmendura në media.