Gjykata e Tiranës ka vendosur sot pezullimin e çështjes për miratimin e Kuvendit Kombëtar të 2 Shtatorit, duke pranuar kërkesën e grupit të deputetëve të drejtuar nga Gazment Bardhi.

Vendimi vjen pasi gjyqtari Niko Rapi konstatoi se pa zgjidhur konfliktin në Gjykatën e Lartë mbi Kuvendin Kombëtar të 11 Dhjetorit, nuk mund të zhvillohet asnjë Kuvend Kombëtar i mëpasshëm apo të miratohet Statuti i ndryshuar.

Në këtë mënyrë, Statuti i dalë në 2 Shtator, përmes të cilit Lulzim Basha u caktua Kryetar i Grupit Parlamentar, nuk është njohur nga gjykata.

Grupi i deputetëve të mandatuar nga Këshilli Kombëtar i PD është njohur si palë nga Gjykata e Tiranës, duke përfaqësuar kështu në gjykim Partinë Demokratike të Shqipërisë. Ata kanë kërkuar nga gjykata pezullim të çështjes, kërkesë që është pranuar nga Gjykata e Shkallës së Parë Tiranë.