Gjykata e Vlorës ka vendosur më 22 shkurt masën e sigurisë “Arrest në burg” për 38-vjeçarin Endrit Sadedini, i cili akuzohet për “Armëmbajtje pa leje”. Seanca u udhëhoq nga gjyqtarja Alba Ngresi, e cila miratoi kërkesën e Prokurorisë së Vlorës.

Sadedini u arrestua më 19 shkurt gjatë dy operacioneve të realizuara nga policia e Vlorës, ku u zbuluan gjithashtu dy shtëpi të mbushura me lëndë narkotike. Ai është një emër i njohur për forcën e rendit, pasi ka shpëtuar nga dy atentate në të kaluarën, përfshirë një të realizuar me tritol më 19 dhjetor 2021. Gjithashtu, në vitin 2019, një sasi e madhe eksplozivi iu vendos në makinën e tij, por shpërthimi i tij u parandalua falë reagimit të shpejtë të Sadedinit.

Në momentin e arrestimit, Sadedini ka tentuar të qëllojë në drejtim të policisë.