Gjykata Kushtetuese ka vendosur se nuk do të zhvillohen zgjedhje në Tiranë, duke rrëzuar dekretin e Presidentit Bajram Begaj për caktimin e datës së zgjedhjeve.

Po ashtu, Kushtetuesja ka vendosur që Erion Veliaj do të vijojë të mbetet kryebashkiak i kryeqytetit, pavarësisht se ndodhet prej disa muajsh në burg. Vendimmarrja në trupën e gjyqtarëve ka qenë 5-3 në favor të rrëzimit të vendimit të Qeverisë që kishte shkarkuar Veliajt.

Sipas vendimit, Neni 115 i Kushtetutës ka përparësi mbi ligjin për vetëqeverisjen vendore, dhe kryetari i bashkisë mund të shkarkohet vetëm për shkelje të rënda. Gjykata ka konstatuar se Këshilli Bashkiak kishte shkelur ligjin me vendimin për shkarkimin e kryebashkiakut.

Veliaj kishte depozituar në Kushtetuese ankimin për shfuqizimin e vendimit të Këshillit të Ministrave për shkarkimin e tij si të papajtueshëm me Kushtetutën, si dhe për shfuqizimin e dekretit të Presidentit Begaj për zgjedhjet.

Pas shqyrtimit të ankimit më 31 tetor, Gjykata Kushtetuese vendosi rikthimin e tij në detyrë si kryebashkiak i Tiranës.