I plagosuri 31-vjeçar nga Durrësi, Mateo Duma, nuk ka dhënë informacion për ngjarjen ku mbeti i plagosur, duke deklaruar se “nuk e di pasi nuk e mban mend çfarë ka ndodhur”.

Burimet policore bëjnë me dije se ky qëndrim konsiderohet i dyshimtë dhe se Duma rrezikon të procedohet penalisht për moskallëzim krimi.

31-vjeçari u paraqit pasditen e sotme në urgjencën e Spitalit të Durrësit i plagosur në thembër, ku iu nënshtrua një ndërhyrjeje mjekësore. Hetimet e policisë vijojnë për zbardhjen e plotë të ngjarjes.