Një gjykatë rajonale në Leipzig, Gjermani, ka shpallur të pafajshëm një 52-vjeçar shqiptar, i akuzuar për vrasjen e një bashkatdhetari të tij 29-vjeçar, më 13 korrik 2024.

Incidenti ndodhi rreth mesnatës pranë një lokali, ku dy shqiptarët u përfshinë në një sherr. Viktima u godit me thikë në zemër dhe ndërroi jetë në spital gjatë natës.

Prokuroria kishte kërkuar një dënim prej 7 vitesh burg për 52-vjeçarin, por gjykata arriti në përfundimin se akti mund të ketë qenë në vetëmbrojtje.

Sipas mediave gjermane, vendimi i gjykatës ka sjellë lirimin e 52-vjeçarit dhe ai do të dëmshpërblehet për kohën e kaluar në paraburgim.