Një gjykatë në Los Angeles ka vendosur që Starbucks t’i paguajë 50 milionë dollarë dëmshpërblim një klienti, Michael Garcia, i cili pësoi djegie të rënda pasi një gotë çaji tepër e nxehtë u derdh mbi të gjatë një porosie në drive-thru.

Ngjarja ndodhi më 8 shkurt 2020 në Exposition Park, kur Garcia, një shofer poste, po merrte disa pije nga një barist. Një nga gotat u përmbys brenda 1.4 sekondash, duke i shkaktuar djegie të shkallës së tretë në zonën intime, dëmtime nervore dhe traumë të përhershme.

Pamjet e kamerave të sigurisë treguan se çaji, me temperaturë 180 gradë, i ra mbi trupin e tij, ndërsa avokati i Garcia-s, Nicholas Roëley, akuzoi Starbucks për neglizhencë flagrante, duke argumentuar se kompania nuk e kishte siguruar siç duhet gotën në tabaka.

Juria mori vendimin brenda vetëm 40 minutash, duke dënuar Starbucks me një dëmshpërblim të madh. Megjithatë, kompania tha se nuk pajtohet me vendimin dhe do të apelojë, duke e cilësuar shumën e dëmshpërblimit si të tepruar.