Një gjykatë në Serbi ka dënuar prindërit e Kosta Kecmanoviç, të cilin e akuzojnë për masakrën në shkollën fillore Vladislav Ribnikar në Beograd, ku ai vrau nëntë nxënës dhe një roje shkolle, dhe plagosi gjashtë persona të tjerë. Babai i tij, Vladimir Kecmanoviç, u dënua me 14 vjet e gjashtë muaj burg për “vepra të rënda kundër sigurisë publike” dhe “lënie pas dore të fëmijës”, ndërsa nëna, Miljana Kecmanoviç, mori një dënim me tre vjet burg për të njëjtën akuzë, por u shpall e pafajshme për akuzën e armëmbajtjes pa leje.

Kosta Kecmanoviç, i cili ishte vetëm 13 vjeç në momentin e sulmit, është shumë i ri për t’u gjykuar sipas ligjeve serbe dhe ndodhet aktualisht në një institucion të specializuar. Ai përdori armët e të atit për të hapur zjarr ndaj shokëve të tij dhe stafit të shkollës. Ngjarja, që tronditi Serbinë, ndodhi më 3 maj të vitit 2023 dhe shënoi një moment historik, pasi ky ishte sulmi i parë masiv në shkollat e Serbisë.

Sulmuesi telefonoi pas të shtënave dhe tregoi me qetësi për krimin që kishte kryer. Ai ka dëshmuar në gjyq përkundër prindërve të tij. Avokatja e çiftit, Irina Boroviç, tha se do të apelojë dënimet, duke shtuar se presionet publike ishin të mëdha.

Në lidhje me këtë ngjarje, Ninela Radiçeviç, një nga të prekurat që humbi vajzën në sulm, shprehu zhgënjimin e saj duke thënë se “

Ky rast ka pasuar një tjetër vrasje masive që ndodhi në fshatrat jashtë Beogradit, ku Uros Blazhiç vrau nëntë persona dhe plagosi 12 të tjerë. Ai u dënua me 20 vjet burg në fillim të këtij muaji.