Gjykata Administrative e Tiranës ka vendosur të rrëzojë kërkesën për sigurimin e padisë së aktorës Anila Bisha ndaj AKSHI-t dhe Këshillit të Ministrave.

Bisha kishte paditur institucionet, duke kërkuar pezullimin e ministres së Shtetit për Inteligjencën Artificiale, Diella, dhe njëkohësisht dëmshpërblim prej 1 milionë euro për prishje imazhi. Aktorja pretendonte se imazhi dhe zëri i saj ishin përdorur për krijimin e avatarit qeveritar “Diella”.

Çështja u shqyrtua nga gjyqtari Armand Shkurta, i cili rrëzoi kërkesën për sigurimin e padisë, duke vendosur që padia të mos ketë efekt pezullues ndaj funksionimit të ministres artificiale.