Finalizohet operacioni i koduar “Tapiza”, i zhvilluar nga Seksioni për Hetimin e Narkotikëve, në bashkëpunim me Forcën Operacionale në DVP Durrës.Policia ka arrestuar në flagrancë 3 poseduesit e lëndës narkotike.

Policia e Durrësit informon se ka arrestuar 3 persona, pasi janë kapur me 1 kilogramë e 30 gramë lëndë narkotike të dyshuar kokainë. Sipas policisë, droga është gjetur në kroskotin e një makine.

Në bazë të informacioneve të marra policia ka ndaluar mjetin tip “Volksvagen”, që drejtohej nga shtetasi L. L., 28 vjeç.Gjatë kontrollit në mjet, në kroskot, u gjetën 1 kg e 30 gramë lëndë narkotike kokainë, e cila u sekuestrua në cilësinë e provës materiale.