I ftuar në emisionin “Big Brother Radio,” ish-banori Gramosi ka shpërndarë më shumë detaje nga eksperienca e tij në edicionin e katërt të spektaklit, duke folur për momentet e vështira që ka kaluar brenda shtëpisë, banorët që mbështet dhe ata që nuk e kanë tërhequr si lojtarë.

Gramosi ka reflektuar mbi përjetimin e tij në “Big Brother”, duke e cilësuar si një eksperiencë më të bukur nga jashtë sesa nga brenda. “Unë pata një moment të vështirë brenda, kur tek ‘Xhuxhat’ harrova figurën e djalit tim. Ajo ishte një shenjë kapitulimi për mua, por Vëllai i Madh më dha forcë dhe kurajo për të vazhduar”, ka rrëfyer ai.

Përsa i përket banorëve që po mbështet, Gramosi ka shprehur mbështetje për Gjestin. “Po e shoh prej Gjestit, ai po bën show dhe spektakël. Po i ndryshon dinamikat e lojës dhe momentalisht po e mbështes”, ka thënë ai, ndërkohë që nuk e përjashton mundësinë që dikush tjetër të mund ta zëvendësojë në të ardhmen.

Në anën tjetër, kur është pyetur për banorin që i pëlqen më pak, Gramosi nuk ka kursyer kritikat, duke e quajtur Klajdin si një lojtar jo shumë të mirë. “Nuk është duke më pëlqyer,” ka thënë Gramosi për të.

Gramosi ka qenë një nga personazhet më të diskutuar të këtij edicioni, dhe mbetet aktiv në ndjekjen e dinamizmit të lojës.