Policia greke në Rajo të Igumenicës ka sekuestruar rreth 75 kilogramë kanabis gjatë një kontrolli të një automjeti që vinte nga kufiri gjelbër me Shqipërinë. Operacioni u zhvillua pasditen e djeshme nga sektori anti-drogë i policisë së Igumenicës.

Gjatë kontrollit u gjetën 3 çanta që përmbanin 51 pako me 74 kilogramë e 804 gramë marijuanë. U sekuestruan gjithashtu automjeti dhe një telefon celular.

Në pranga ra drejtuesi i mjetit, një 54-vjeçar shqiptar. Prej shtatorit, policia greke ka sekuestruar rreth 775 kilogramë marijuanë, të dyshuara si të trafikuara nga Shqipëria, në zona si Igumenica, Janina, Selanik dhe Kostur.