Pas ndarjes së parakohshme nga jeta të këngëtarit të njohur shqiptar, Shpat Kasapi, halla e tij ka folur për herë të parë, duke ndarë kujtimet për karrierën e tij të shkëlqyer dhe pasionin që e karakterizonte.

Në një intervistë për televizionin “Alsat”, ajo shprehu dhimbjen për mungesën e mbështetjes së kolegëve të tij gjatë kohëve të fundit të karrierës. “Ne kemi të gjithë dhimbje, nuk po flas për nënën e Shpatit. Ishte një njeri me virtyte, nuk xhelozoi asnjeri. Ajo që më dhemb më shumë është se Shpati kërkoi bashkëpunime, e ndoshta as mesazhet nuk ia kanë lexuar! Sot po bën gjurmë, kjo është krenari. Pse nuk i duam kurrë kur kemi njëri-tjetrin? Kjo është e dhimbshme”, tha halla e tij.

Këngëtari shqiptar nga Maqedonia e Veriut ndërroi jetë në moshën 40-vjeçare, pas një arrestit kardiak ndërsa ndodhej në Itali për një kontroll mjekësor të djalit të tij të vogël. Humbja e tij ka lënë një boshllëk të madh në skenën muzikore shqiptare dhe në zemrat e familjarëve dhe fansave.