Organizata palestineze Hamas ka refuzuar propozimin e Izraelit për një armëpushim njëjavore në këmbim të 40 pengjeve, duke theksuar se negociatat do të fillojnë vetëm pas një armëpushimi të vërtetë. Ndërkaq, votimi për rezolutën e Këshillit të Sigurimit të OKB-së për situatën në Gazë është shtyrë për sot.

Raportohet se në bombardimet e djeshme izraelite në Rafah dhe Khan Yunis, të paktën 36 persona janë vrarë dhe dhjetëra të tjerë janë plagosur, sipas burimeve palestineze. Në anën tjetër, tre ushtarë izraelitë janë raportuar të vdekur.

Forcat e Mbrojtjes Izraelite (IDF) kanë njoftuar se janë në një “fazë të rëndësishme të luftës, në zona të reja” të Rripit. Situata e tensionuar vazhdon të shqetësojë komunitetin ndërkombëtar dhe Këshillin e Sigurimit të OKB-së.