Athinë — Një përritje e përgjakshme dhe me prapaskenë atentati ka tronditur mëngjesin e sotëm kryeqytetin grek. Një 55-vjeçar me origjinë shqiptare ka mbetur i plagosur pasi ra pre e një tentative për vrasje në zonën e Patissia-s në Athinë.
Ngjarja e rëndë ndodhi pikërisht në kryqëzimin e rrugëve “Vroutou” dhe “Themou Annino”. Sipas të dhënave paraprake, 55-vjeçari po dilte nga banesa e tij në ato momente, kur dy persona ende të paidentifikuar që udhëtonin me një motoçikletë i janë afruar me shpejtësi dhe kanë hapur zjarr në drejtim të tij.
I shënjestruari është goditur nga plumbat në këmbë, duke i shpëtuar për mrekulli plumbave fatalë. Ai është transportuar me urgjencë në spital ku po merr ndihmën e nevojshme mjekësore dhe ndodhet jashtë rrezikut për jetën.
Autorët ikin në drejtim të paditur, policia gjen gëzhojat në vendngjarje
Pas të shtënave, dy autorët janë larguar me shpejtësi nga vendngjarja me motoçikletë. Në vendin e ngjarjes, ekspertët e kriminalistikës sekuestruan në cilësinë e provës materiale tre gëzhoja si dhe një plumb të paplasur.
Policia greke ka ngritur pika kontrolli dhe ka nisur një hetim të gjerë për zbardhjen e plotë të rrethanave, motivit të sulmit dhe identifikimin e kapjen e atentatorëve.