Në një nismë për të rritur standartet dhe transparencën në vlerësimin e praktikantëve për marrjen e lejes së drejtimit, është hapur Poligoni i Testimit Praktik në zonën e Fushë Prezës në Tiranë. Ky poligon do të zëvendësojë autoshkollat në rrugë informale dhe do të sigurojë një mjedis të monitoruar plotësisht nga kamerat e sigurisë.

Drejtori i ri i Drejtorisë së Përgjithshme të Shërbimeve për Transportin Rrugor (DPSHTRR), Ilir Mëngra, bëri të ditur se në këtë poligon do të kryhen 124 testime në ditë, duke synuar të ofrojë një përvojë më të mirë dhe më standard për kandidatët që dëshirojnë të pajisen me leje drejtimi.

Ky poligon vjen si një përmirësim i procesit të marrjes së lejes së drejtimit, duke ndihmuar në rritjen e sigurisë dhe efikasitetit gjatë testimet praktike. Në një vit pritet të kryhen rreth 130 mijë testime në këtë poligon të ri të testimit.