Pas rrugëtimit të saj në “Big Brother VIP Albania 3,” Heidi Baci kishte nisur një etapë të re si pjesë e moderimit në spektaklin “Goca dhe Gra,” përkrah tre moderatoreve të tjera. Megjithëse gjithçka dukej në rrugë të mbarë, Heidi ka vendosur të largohet nga emisioni dhe nga Shqipëria.
Lajmin e bëri publik gazetari Andi Vrapi në Instagram, ku sugjeroi se arsyeja kryesore për largimin e saj është vështirësia për të jetuar e vetme në Tiranë. Sipas informacioneve të para, pritet që vendin e saj në emision ta zërë moderatorja Einxhel Shkira. Megjithatë, deri më tani, nuk ka ende një konfirmim zyrtar për këtë ndryshim.
