Autoritetet franceze kanë hapur një hetim paraprak ndaj ish-ministrit të Kulturës, Jack Lang, dhe vajzës së tij Caroline, për pastrim parash dhe evazion fiskal, pas lidhjeve të tyre të dyshuara me financierin e skandalit Epstein.

Jack Lang, 86 vjeç, aktualisht drejtues i Institutit të Botës Arabe në Paris, është përballur me presion për dorëheqje për shkak të implikimeve financiare, ndërsa Caroline Lang ka dhënë dorëheqjen si drejtuese e Sindikatës së Pavarur të Prodhimit të Francës. Sipas mediave, emri i ish-ministrit shfaqet mbi 600 herë në dosjet e Epstein.

Lang ka mohuar akuzat, duke i cilësuar ato të pabaza, por hetimi pritet të shqyrtojë lidhjet e tij dhe të vajzës me fonde dhe favore të dyshuara nga Epstein.