Eksperti i sigurisë, Bedri Elezi, ka zbuluar dy pista të reja lidhur me vrasjen e Liridona Ademajt, duke treguar se ekziston një lidhje mes saj dhe zhdukjes së një vajze në Suedi. Gjithashtu, është shqyrtuar humbja e 300 mijë eurove nga bashkëshorti i saj, Naim Murseli.

Elezi shprehet se fillimisht ka pasur disa pista, por disa prej tyre janë rrëzuar me kalimin e ditëve. Ai shton se dyshimet lidhur me faktin se Liridona mund të kishte informacione në lidhje me zhdukjen e një vajze në Suedi mund të jenë një motiv i mundshëm për vrasjen e saj.

Në vijim, Elezi thekson se një biznesmen shqiptar ka deklaruar se Naim Murseli ka humbur 300 mijë euro në skemat e mashtrimit. Kjo zhvillim i ri rrit kompleksitetin e rastit dhe hedh dritë mbi mundësinë e lidhjes së vrasjes me aktivitete të paligjshme të Naim Murselit.

“Ngjarje e rëndë dhe komplekse. Aktualisht kemi 4 të arrestuar, vrasësi, porositësi, një që ka mbështetur vrasësin dhe personi që siguroi armën. Motivet e ngjarjes kanë qenë disa, por me kohën disa prej tyre konsiderohen jo të mundshme, Ajo që ne kemi kuptuar motivet na çojnë drejt asaj se Liridona mund të kushte sekrete që mund të rrezikonin bashkëshortin e saj.Deklaratat e familjarëve dëshmojnë se marrëdhënie mes çiftit ishte e mirë, nuk kishte dyshime mbi përfshirjen e personave të tretë në aspektin gjinor. E vetmja gjë mbetet se dyshohet se një vajzë tjetër është zhdukur në Suedi. Së fundmi ishte një biznesmen shqiptar që jeton në Suedi që tha se me Naim Murseli kishte humbur 300 mijë euro në skemat e mashtrimit.
Babai i të dyshuarit në deklaratën e parë pati thënë se eventualisht mund të ketë pasur ndonjë sekret që e ndjera e dinte.
Pas vizitës së babai pati në burg, deklaroi se djali i tij ishte i pafajshëm duke sjellë dyshime se ai mund të jetë nën presion”, u shpreh Elezi.