Është rrëzuar kërkesa e Fredi Belerit për t’u betuar si kryebashkiak i Himarës, ndërsa nesër skadojnë edhe afatet kohore për kryerjen e këtij procesi.

Beleri kishte kërkuar nga GJKKO një leje që të dilte nga qelia për t’u betuar si kryetar bashkie.

Të gjitha shkallët e drejtësisë, deri tani nuk kanë ndryshuar masën e sigurisë për Belerin, i cili u arrestua në 12 Maj, nën akuzën e blerjes së votave.

Kështu, Bashkia e vogël si sipërfaqe në jug të vendit, po e luftuar shumë në 14 Maj, duket se është e destinuar që të shkojë në zgjedhje të reja.

Arrestimi i Belerit u shndërrua dhe në një përplasje politike mes Shqipërisë dhe Greqisë, me këta të fundit që pretendonin se arrestimi i tij ishte i paligjshëm.

Ligji parashikon që në Himarë të mbahen tashmë zgjedhje të reja, dhe koalicioni Bashkë Fitojmë duket se rrezikon Bashkinë, pasi diferenca në zgjedhjet e 14 Majit mes dy kandidatëve ishte vetëm 21 vota.