Pas gati një dekade në arrati, Xhyljan Perdoda, 27-vjeç, shtetas shqiptar dhe i dënuar për vrasjen e ndodhur në vitin 2016 në lokalin Café & Taverne 54 në Bruksel, është arrestuar në Maltë dhe ekstradua drejt Belgjikës.

Perdoda ishte dënuar në mungesë me 18 vjet burg nga Gjykata e Asizës së Brukselit në korrik 2020. Pas ekstradimit, ai ka paraqitur kundërshtim ndaj vendimit, duke bërë që çështja të rigjykohet nga një gjykatë tjetër.

Ngjarja ndodhi më 11 gusht 2016, kur Abdelaziz Bouhali, 35 vjeç, u vra me thikë pas një përleshjeje me Robert Frroku dhe Xhyljan Perdodën. Hetimet zbuluan se konflikti lidhej me përdorimin dhe trafikun e kokainës, ku Frroku kishte dhënë shumicën e goditjeve, ndërsa Perdoda 7-8.

Robert Frroku u arrestua në Serbi pak ditë më vonë dhe u dënua me 10 vjet burg. Perdoda, i shpallur në kërkim ndërkombëtar që nga ngjarja, arriti t’i shmangej drejtësisë deri në arrestimin e tij të fundit në Maltë.