Është zbardhur ngjarja e ndodhur ditën e djeshme në lagjen “10 korriku” të Shkodrës ku shpërtheu një sasi tritoli në garazhin e 52 vjeçarit Agim Uraj. Në kërkim për tritolin e vendosur janë shpallur 2 ish-futbollistët Seadet Myftia dhe Zabit Mehmedaj.

Mësohet se shkak për tritolin e vendosur në banesën e Agim Urajt është bërë sherri për shezlongët dy javë më parë në Shkodër, ku dy ish futbollistët dhunuan 64 vjeçarin S.H, të afërmin e Agim Urajt.

Seadet Myftia rezulton të ketë luajtur më parë për skuadrën e Tërbunit, ndërsa Zabit Mehmedaj, është ish lojtar i Vllaznisë, skuadër me të cilën e ka ndërprerë kontratën në vitin 2020.

Zabi Mehmedaj është kushëri i Duel Mehmedajt, autorit të vrasjes të ‘të fortit’ të Shkodrës, Ridvan Ramazanit në nëntor të vitit 2020.