Në një prononcim për mediat, ish-ministri i Infrastrukturës, Damian Gjiknuri, tashmë i sapo zgjedhur Sekretar i Përgjithshëm i PS, tregoi rëndësinë dhe sfidën që e pret për të ardhmen.

Damian Gjiknuri e sheh si një sfidë të vështirë detyrën e re që i është besuar si Sekretar i Përgjithshëm i Partisë Socialiste dhe drejtues politik i qarkut të Elbasanit. Këto poste më parë i ka mbajtur Taulant Balla.

“Unë kandidimin tim të parë e kam pasur në Qarkun e Elbasanit. Është një detyrë e vështirë, sfidë e madhe. Natyrshëm që edhe unë kam eksperiencën time dhe do të bëj më të mirën të mundshme punën e nisur.

Kam pasur lidhjet e mia me Vlorën e kam bërë rezultat të shkëlqyer për dy palë zgjedhje, rezultati më i thellë historik që është arritur bazuar në këtë.

PS është konfirmuar si një forcë fituese, shumë aktive dhe e aftë për t’u transformuar dhe e qartë për të ardhur. Është një sfidë e mirëpritur. Pozicioni i sfidës së PS nga menaxhimi i përditshëm është një sfidë e madhe dhe e mirëpres. (Do të dëshiroje të ishe ministër) Kjo (Sekretar i Përgjithshëm) është një pritshmëri e mirë dhe për mua, nuk kam ndonjë shqetësim në këtë drejtim”, tha Gjiknuri.