Autori i sulmit të përgjakshëm me armë zjarri që ndodhi të mërkurën para një Gjykate në Gjermani është identifikuar si Berat Nimani, vëllai i boksierit të ndjerë Besar Nimani. Ky sulm ndodhi ndërsa brenda po mbahej gjyqi për vrasjen e Besar Nimanit, dhe për pasojë mbetën të plagosur vëllai dhe babai i vrasësit të tij.

Sipas raportimeve nga Bild, autoritetet gjermane kanë shpallur në kërkim Berat Nimanin dhe kanë publikuar foton e tij. Policia ka paralajmëruar qytetarët që të tregojnë kujdes pasi ai është i armatosur dhe paraqet rrezikshmëri.

Sipas hetimeve, dyshohet se sulmi mund të ketë ndodhur për arsye gjakmarrjeje, pasi Berat Nimani qëlloi me armë zjarri mbi një grup personash përpara gjykatës më 27 shkurt.