Kreu i Partisë së Lirisë, Ilir Meta, ka reaguar ndaj bllokimit të punës së komisionit për Reformën Zgjedhore nga deputetët e Rithemelimit dhe grupi Bardhi, duke akuzuar qeverinë për këtë ndërprerje.

Meta ka theksuar se kjo veprimtari e bllokuar është në kundërshtim me parimet demokratike dhe ka nxitur respektimin e parimit të proporcionalitetit, duke përmendur letrën e 47 deputetëve të opozitës që kërkon përfaqësim të tyre në komision.

Kryetari i Partisë së Lirisë ka shtuar se është detyrë e mazhorancës të respektojë parimet demokratike dhe të lejojë vazhdimin e punës së komisionit.

“Është e qartë se punën për komisionin e reformës e bllokon Edi Rama dhe mazhoranca për arsye se rregullorja e Kuvendit e bën të qarrtë parimin e proporcionalitetit si i vetmi parim ku mbështetet përfaqësimi i opozitës. Janë 47 deputetë opozitarë që kanë dorëzuar një dokument kur kërkojnë në mënyrën më legjitime të kenë bashkëkryetarin, jo se ata duan kështu por për shkak të parimit të proporcionalitetit. Është detyrë e mazhorancës të respektojë këtë parim dhe të zhbllokohet puna e komisionit”- tha Meta.