Presidenti i Partisë së Lirisë, Ilir Meta, i cili u arrestua më 25 tetor, ka reaguar nga burgu 313 lidhur me protestën e mbajtur sot nga opozita. Përmes një postimi në Facebook, Meta ka shprehur mirënjohjen e tij për qytetarët shqiptarë që dolën në protestë.

“Falënderim dhe mirënjohje të përzemërt për qindra mijëra shqiptarë patriotë në mbarë vendin që u ngritën në këmbë me guxim dhe me ndjenjë të fortë patriotike e kombëtare, në përballje pa kthim me Narkoshtetin për të marrë në dorë fatet e Shqipërisë. Nuk ka forcë në botë të ndalë Uraganin e Lirisë!” – ka shkruar Meta në postimin e tij.