Presidenti i Partisë së Lirisë, Ilir Meta, është shprehur i ftuar në “Podcastin e Lirisë” dhe ka ndarë disa mendime dhe përvoja nga jeta e tij politike. Meta ka dhënë një mesazh të rëndësishëm për të rinjtë, duke theksuar se është e nevojshme që brezi i ri të “shkundet për të qenë i ndërgjegjshëm”.

Meta ka ndarë gjithashtu historinë e tij për t’u bërë deputet në zgjedhjet e vitit 1992. Ai ka përshkruar si Partia Socialiste (PS), e cila sapo kishte dalë nga petku i Partisë së Punës, e kishte lutur që të kandidonte për deputet në Berat. Megjithëse ëndrra e tij ishte të bëhej pedagog, situata politike e detyroi atë të angazhohej në politikë.

“Problemi im është se unë kam vështirë të kënaqem me veten, por edhe me të tjerët. Mendoj se perfeksionimi nuk është shumë i këshillueshëm, por pa disa qëllime të mëdha dhe pa u përmirësuar pa dyshim që nuk ke çfarë jep më. Arritjet e mia janë të çuditshme, por mua nuk më bëjnë përshtypje sepse situata ku ndodhet vendi nuk krenohem,” ka deklaruar Meta.

Ai ka treguar se një tjetër arritje e tij ka qenë krijimi i Lëvizjes Socialiste për Integrim (LSI), për shkak se PS kishte bllokuar integrimin dhe ai vendosi të formonte një parti të re. Meta ka theksuar se, pavarësisht se kishte një parti të re, nuk e kishte vendosur veten në listë, por kishte pranuar se nëse populli i Skraparit nuk e votonte si nën mazhoritar, ai nuk kishte pse të shkonin në Parlament. Fitorja e tij në Skrapar është përshkruar si një fitore personale.

Në përmbyllje, Meta ka nënvizuar se është gjithashtu nënshkrues i kartës së Adriatikut, një program që ka kontribuar në anëtarësimin e Shqipërisë në NATO.