Ky është viti i dytë që Krishtlindja festohet ndryshe, mes kufizimeve të vendosura nga pandemia e koronavirusit.

Në respektim të masave dhe duke shmangur grumbullimet, këtë mëngjes Kisha e Shën Gjergjit ka pritur sot besimtarët të cilët kanë ndjekur meshën e mbajtur me këtë rast për lindjen e Jezu Krishtit, birit të Perendisë .

Hirësia e tij Metropoliti i Fierit dhe Apollonisë, Imzot Nikolla në mesazhin e tij drejtuar besimtareve dhe gjithë komuniteti ka përcjellë urimin gëzuar Krishtlindjen për më tepër mirësi dhe mbarësi në çdo familje të besimtareve.

Krishtlindja, është një ditë ku dashuria flet me gjuhën e saj të vërtetë dhe urrejtja sfidohet. Lindja e Jezu Krishtit birit të perëndisë simbolizon dashurin e Zotit për njeriun për të cilën ai erdhi mes nesh.