Deputetja e Partisë Demokratike, Ina Zhupa, nga foltorja e Kuvendit ka bërë të qartë se ata nuk do të tërhiqen nga kërkesa e tyre për të zgjatur afatin e komisionit hetimor të shëndetësisë. Ajo ka akuzuar për një përpjekje për manipulim dhe intimidim nga ana e pushtetit dhe ka hedhur akuza të rënda ndaj ish-ministrit të Shëndetësisë, Ilir Beqaj, duke thënë se ai është përdorur për të dhënë urdhra dhe për të kërcënuar deputetët.

Zhupa ka përmendur se deputetët e opozitës janë kërcënuar dhe përballen me kushte të papranueshme brenda Kuvendit, duke theksuar se disa deputetë janë frikësuar nga kërcënimet e drejtpërdrejta. Ajo ka treguar se ka kërkuar ndihmën e gardës për të siguruar sigurinë e deputetëve të opozitës, pas një incidenti të tensionuar dhe kërcënimesh, si gjatë ashtu edhe pas transmetimit të drejtpërdrejtë të seancës.

“Nuk na kërcënon Edi Rama, jo më Ilir Beqaj,” tha Zhupa, duke theksuar se komisioni hetimor do të vijojë hetimet pavarësisht përpjekjeve për të ndaluar këtë proces.

Çfarë kushtesh i keni krijuar që i duken kushtet e kuvendit çnjerëzor dhe burgu parajsë. Na këcënonte mbylle gojën. Qepe ti! Ta tregoj unë kush je ti? E ne të vijojmë normalisht pasi nuk kemi siguri dhe ju, ju komandon Ilir Beqja.

Unë kam telefonuar komandantin e gardës për të sjellë një gardist. E erdhi pasi ishte bërë sherri dhe kërcënuar. Jo vetëm në pjesën live por dhe në pjesën e dytë pas kamerave. Ne do të hetojmë doni apo s’doni ju