Një ngjarje e pazakontë ka ndodhur sot rreth orës 13:00 në ambientet e gjimnazit “Siri Shapllo” në Gjirokastër, ku një nxënës 17-vjeçar është hedhur nga dritarja e katit të dytë të shkollës. Sipas njoftimit zyrtar të Policisë së Shtetit, dyshohet se gjatë kohës që po luante me një tjetër nxënës, ai është hedhur aksidentalisht nga dritarja.

Adoleshenti është transportuar menjëherë në spital dhe fatmirësisht ndodhet jashtë rrezikut për jetën. Policia ka nisur hetimet për të zbardhur rrethanat e plota të ngjarjes, ndërsa grupi hetimor ndodhet në vendngjarje për të marrë dëshmitë e nevojshme.

Ngjarja ka shkaktuar shqetësim tek stafi pedagogjik dhe prindërit, ndërsa pritet një reagim edhe nga institucionet arsimore për rregullat e sigurisë në ambiente shkollore.