Tensionet mes Iranit dhe Shteteve të Bashkuara janë shtuar ndjeshëm, pas paralajmërimeve të Teheranit se çdo sulm në territorin e tij, përfshirë sulmet e kufizuara, do të konsiderohej një “akt agresioni”.

Kjo ndodh në një kohë kur Uashingtoni ka rritur presionin ushtarak mbi Iranin. Presidenti i SHBA-së, Donald Trump, kishte deklaruar më parë se po shqyrtonte mundësinë e një sulmi të kufizuar ushtarak nëse Teherani nuk arrinte një marrëveshje me SHBA-në.

Duke iu përgjigjur këtyre deklaratave, zyrtari iranian Esmail Baghai theksoi në një konferencë për shtyp në Teheran: “Sa i përket pyetjes së parë në lidhje me një sulm të kufizuar, nuk ka sulm të kufizuar. Por edhe një akt agresioni do të konsiderohet një akt agresioni. Pikë.”