Ish-deputeti Tom Doshi ka paditur dy vëllezërit Molla, duke i akuzuar për kanosje me motive pronësie. Policia e Shkodrës njoftoi sot se shtetasi T. D., 58 vjeç, ka kallëzuar dy vëllezërit për kanosje në lidhje me një konflikt pronësie të ndodhur tre ditë më parë në Velipojë.
Gjithashtu, Tom Doshi është vënë në hetim në gjendje të lirë pas një kallëzimi të bërë nga dy vëllezërit në Velipojë. Konflikti ka nisur pas një përplasjeje mes Tom Doshit dhe dy vëllezërve Molla, 65 dhe 58 vjeç, për një çështje prone pasditen e 15 qershorit. Prek Molla ka denoncuar në policinë e Velipojës për konfliktin me Tom Doshin, duke deklaruar se ka pësuar dëmtime të lehta fizike.
Ky konflikt për pronësinë në zonën e Rrjollit në Velipojë ka vijuar prej shumë vitesh, me të dyja palët që kanë pretendime për pronësinë e tokës.
